ائلیمیز دیلیمیز

آغلاتدی منی

0 گؤروش

یازار:‌ Dəniz

آغلامازدیم زامان آغلاتدی منی
دوز یولوندان آزان آغلاتدی منی
گؤردوم حسرتدی همالر سوموگه
ایشله ییر شاختا سوموكدن ایلیگه
دوزوموزده اه ییلیر ایری لیگه
قالدی قانماز ، قانان آغلاتدی منی
آغلامازدیم زامان آغلاتدی منی
تك صبیر گلدی دئدیم ایش دوزه له ر
قار گئده ر ، زور ارییه ر ، یاز دا گله ر
نه بیلیم یازدا بوران باغری ده له ر
یوخا چیخمیش گومان آغلاتدی منی
آغلامازدیم زامان آغلاتدی منی
دئدیله ر بیر گون اولار ساز حالیمیز
قیتدیق اولسا واریمیز یاغ بالیمیز
ایندی كی اون تك اولوب ساققالیمیز
بو یالان سؤز یامان آغلاتدی منی
آغلامازدیم زامان آغلاتدی منی
ظن ائدیردیم آغیر اولسا یارالار
یارالار آغریسین آنجاق یار آلار
نه بیلئیدیم اوره یی یار یارالار
بیلمه مه زلیكدی قان آغلاتدی منی
آغلامازدیم زامان آغلاتدی منی
اره لر توشدو كو جنگل جانینا
تولكولر تور توخودو اصلانینا
طرلانین اووچو باتیرجاق قانینا
اوخدان آرتیق كمان آغلاتدی منی
آغلامازدیم زامان آغلاتدی منی
اریمه ز قالدی بئیین ده بوزوموز
گؤیده سایریشمادی بخت اولدوزوموز
نه قویون قالدی نه املیك قوزوموز
قوردا به نزه ر چوبان آغلاتدی منی
آغلامازدیم زامان آغلاتدی منی
من دئدیم باغلاسا یادلار قولومو
دایاغیم وار قورویا ساغ سولومو
قوپدو بیر كن كی ایتیردیم یولومو
داغا باخدیم دومان آغلاتدی منی
آغلامازدیم زامان آغلاتدی منی
وای بیزه اولدی پوزولماز یازیمیز
مضراب اود توتدی قیریلدی سازیمیز
قالدی قیشلانمادا عاصم یازیمیز
یازی گول سوز یازان آغلاتدی منی
آغلامازدیم زامان آغلاتدی منی

شاعیر :عاصم اردبیلی

پایلاش :

چهارشنبه 28 خرداد 1393

بؤلوملر : تورك شاعیرلرین گوزل اشعاری,

ای قلم سوزلرینه اثر یوخ

+0 به یه ن

4 باخیش

0 گؤروش

یازار:‌ Dəniz

صاباح خرداد آینین 23 ایمام زمانین آنادان اولان گونیدی بو بویوك بایرامی هامی ایمامین

عاشیقلرینه تبریك دئییرم و اللاه دان ایمامین تئز ظهور ایلماغین ایستیرم

اللهم صل علی محمد وآل محمد و عجل فرجهم

_ای قلم سوزلرینه اثر یوخ ، آشنادن منه بیر خبر یوخ

_گلدی بو جمعه ده گِده آلله ، فاطمه یوسفینن خبر یوخ

_یاندی پروانه لر شمع سوندی ، آیریلیقدان اوره قانه دوندی

_شانیده رتبه ده بی بدلسن ، هر گوزلده اقا سن گوزلسن

_كیم دییر آیریلیق درده سالماز ، عاشقین صبرینی الدن آلماز

_ای گوزوم یوللارا باخ داریخما ، گون همیشه بولوت آتدا قالماز

_غنچه گوللر نه اندازه سولسون ، قلبیلر قویما قانیله دولسون

_گلدی بو جمعه ده گلمه دین سن ، گون ساییم جمعه ی دیگر اولسون

_ای «صفایی» هَله دوز فراقه ، یول سالاغ بیزده بیرده عراقه

_قلبیلر غصه دن داغلی گالدی ، یا امام زمان گََل اماندی

شاعیر:صفایی

تر جمه شئعر در ادامه مطلب

آردی

پایلاش :

پنجشنبه 22 خرداد 1393

بؤلوملر : مذهبی,

بودونیانین گور نه بویدا دردی وار

+0 به یه ن

9 باخیش

0 گؤروش

یازار:‌ Dəniz

چالیش لایقلیق اُول بیر تمیز آدا

تَمیز اُول همیشه دوشرسن یادا
اونسوز یاشادیغیمیز قوجا دونیادا
هربیرکندین نامردی وار مردی وار
بودونیانین گور نه بویدا دردی وار
******************
قوجا دونیا قورخولی بیر تاماشا
چوخوموزی سالیب قورخی تالاشا
ظالیمینه چاهارقوشار شِش قوشار
یتیملره دوبور وِرَن مردی وار
بودونیانین گور نه بویدا دردی وار
********************
عومور گِدیر گونلریمیز های اوغول
دورت طرفیم دریا ، دنیز ، چای اوغول
بیرکیشیدن بورج اِلَدین آی اوغول
اونودماکی قایتاردی وار وِردی وار
بودونیانین گور نه بویدا دردی وار
***********************
کیم اوینیار اونینان بو اویونی
اودی قوران هاممیمیزین تویونی
یان یامازی دولدوروبدی بویونی
قیخماغادا چاققالی وار قوردی وار
بودونیانین گور نه بویدا دردی وار
***********************
آغیر یولدی کیچه جگین باخ بو یول
فرقی یوخدی چوبان اُول یا ناظراول
عیوض اونودماکی اولوم گلیر حاضیر اول
یارالمیسان بیر گجه ده اولدی وار
بودونیانین گور نه بویدا دردی وار
********************

جناب عیوضی گوزل شئعری

پایلاش :

شنبه 20 اردیبهشت 1393

بؤلوملر : تورك شاعیرلرین گوزل اشعاری,

آذربایجان

+0 به یه ن

11 باخیش

0 گؤروش

یازار:‌ Dəniz

كونلوم قوشو قاناد چالماز سن سیز بیر آن آذربایجان

خوش گونلرین گئتمیر مدام خیالمیندان آذربایجان

بوتون دنیا بیلیر سنین قدرتینله دؤلتینله

آباد اؤلوب ، آزاد اؤلوب ملك – ایران ، آذربایجان

یارب ، نه دیر بیر بو قدر اورَكلری قان ائتمه یین

قولو باغلی قالا جاقدیر نه واختان جان آذربایجان ؟

ایگیدلرین ایران اوچون شهید اولوب عوضینده

درد آلمیسان ، غم آلمیسان سن ایراندان ، آذربایجان

اولادلارین نه وقته دك ترك وطن اؤلاجاقدیر؟

ال اله وئر عصیان ائله اویان اویان اذربایجان

بسدیر فراق اودلاریندان كول الندی باشیمیزا

دور آیاغا یا آزاد اول یا تمام یان آذربایجان

شهریارین اورَیی ده سنین كی تك یارالی دیر

بو وارلیق دیر منه ملحم سنه درمان آذربایجان

استاد شهریارین گوزل شعری

پایلاش :

پنجشنبه 11 اردیبهشت 1393

آچار سؤزلر : آذربایجان

بؤلوملر : تورك شاعیرلرین گوزل اشعاری,

حیدر بابا ایلدیملار شاخاندا

+0 به یه ن

8 باخیش

0 گؤروش

یازار:‌ Dəniz

بو گونلر یاغیشین یاغماسی یازین خوش هاواسی استاد شهریارین حیدربابا شعرین خاطیرلاییر ذهن لرده.آرزولیرام هامیه خوش خاطیره اولسون

(1)

حیدر بابا ایلدیریملار شاخاندا
سئللر ,سولار ,شاقیلدییوب ,آخاندا
قیزلار اونا صف باغلییوب باخاندا

سلام اولسون شوكتوزه ,ائلوزه!
منیم ده بیر آدیم گلسین دیلوزه

(2)

حیدر بابا ,كهلیك لرون اوچاندا
كول دیبیننن دوشان قالخیب ,قاچاندا
باغچالارون چیچكله نیپ ,آچاندا
بیزدن ده بیر ممكن اولسا , یادائله !
آچیلمیان اوركلری شاد ائله!

(3)
بایرام یئلی چارداقلاری ییخاندا
نوروز گولی, قارچیچه گی چیخاندا
آغ بولوتلار كوینكلرنین سیخاندا
بیزدن ده بیر آد ائله ین ساغ اولسون
درد لر یمیز قوی دیكلسین, داغ اولسون

(4)

حیدر بابا گون دالیوی داغلاسین !
اوزون گولسون بولاقلارین آغلاسین !
اوشاقلارین بیر دسته گول باغلاسین!
یئل گلنده , وئر گتیر سین بو یانا
بلكه منیم یاتمیش بختیم اویانا

(5)
حیدر بابا ,سنین اوزون آغ اولسون
دورت بیر یانین بولاق اولسون باغ اولسون
بیزدن سورا سنین باشین ساغ اولسون
دونیا قضو - قدر اولوم ایتیمدی
دونیا بویی اوغولسوز دی , یئتیمدی

استاد شهریارین گوزل شئعری

آردی

پایلاش :

سه شنبه 26 فروردین 1393

آچار سؤزلر : بابا

بؤلوملر : تورك شاعیرلرین گوزل اشعاری,

كوچه لره سو سپیشم

+0 به یه ن

22 باخیش

0 گؤروش

یازار:‌ Dəniz

كوچه لره سو سپمیشم

یار گلنده توز اولماسون

ائله گلسین ائله گئتسین
آرامیزدا سوز اولماسون

ساماوارا اوت سالمیشام

ایستیكانا قند سالمیشام

یاریم گئدیپ تك قالمیشام

نه عزیز دیر یارین جانی

نه شیرین دیر یارین جانی

كوچه لره سو سپ میشم

یار گلنده توز اولماسون

ائله گلسین ائله گئتسین

آرامیزدا سوز اولماسون

پیاله لری رفده دیر

هربیری بیر طرفده دیر

یارم گدیب بیرهفته دیر

گورممیشم بیر هفته دیر

نه عزیز دیر یارین جانی

نه شیرین دیر یارین جانی

رحیم شهریاری سسینن

دانلود لینكی:

http://s3.picofile.com/file/7612193438/Rahim_Shahriari_Koochalara_Soosapmisham.mp3.html

بو چوخ گوزل شئعردی هامیلار بو شئعری سئویللر رحیم شهریارین گوزل سسینن ده اشیدنده یاپ گوزل اولور

پایلاش :

دوشنبه 11 فروردین 1393

بؤلوملر : سئوگی,

توركون دیلی تك سوگلی،ایستكلی دیل اولماز

+0 به یه ن

1 باخیش

0 گؤروش

یازار:‌ Dəniz

توركون دیلی تك سوگلی،ایستكلی دیل اولماز

ئوزگه دیله قاتسان، بو اصیل دیل، اصیل اولماز

ئوز شعرینی فارسا-عربه قاتماسا شاعر

شعری اوخیانلار، ائیشدنلر كسیل اولماز

فارس شاعری چوخ سوزلرینی بیزدن آپارمیش

"صابر" كیمی بیر سفره لی شاعر،پخیل اولماز

توركون مثلی فولكلری دنیادا تكدیر

خان یورقانی،كند ایچره مثل دیر،میتیل اولبماز

آذر قوشونی،قیصر رومی اسیر ائتمیش

كسری سؤزیودیر بیر بئله تاریخ ناغیل ائولماز

پیشمیش كیمی ، شعرین ده گرك داد-دوزی اولسون

كند اهلی بیلر لر كی دوشابسیز خشیل اولماز

سؤزلرده جواهر كیمی دیر، اصلی بدلدن

تشخیص وئرن اولسا بوقدر زیر-زبیل اولماز

شاعر اولا بیلمزسن ، آنان دوغماسا شاعر

مس سن ،آبالام ، هر ساری كوینك قیزیل اولماز

چوق قیسّا بوی اولسان اولیسان جن كیمی شیطان

چوق دا اوزون اولما كی اوزون دا عقیل اولماز

مندن ده نه ظالم چیخار ، اوغلوم ، نه قصاص چی

بیر دفعه بونی قان كی ایپكدن قیزیل اولماز

آزاد قوی اوغول عشقی طبیعت ده بولونسون

داغ-داشدا دوغولموش دلی جیران حمیل اولماز

انسان اودی تودسون بو ذلیل خلقین الیندن

الله ی سؤرسن ، بئله انسان ذلیل اولماز

چوق دا كی سرابون سویی وار یاغ-بالی واردیر

باش عرشه ده چاتدیر سا سراب اردبیل اولماز

ملت غمی اولسا،بو جوجوق لارچؤپه دؤنمز

اربابلار یمیزدن دا قارینلار طبیل اولماز

دوز واختا دولار تاخچا-طاباق ادویه ایله

اوندا كی ننه م سانجیلانار زنجفیل اولماز

بو " شهریار " ین طبعی كیمی چیممه لی چشمه

كوثــر اولا بیلسه دئیرم ، سلسبیل اولماز

استاد شهریارین گوزل شعری

پایلاش :

دوشنبه 11 فروردین 1393

آچار سؤزلر : دیل تورک

بؤلوملر : تورك شاعیرلرین گوزل اشعاری,

زندگی نامه پروفسور محسن هشترودی

+0 به یه ن

3 باخیش

0 گؤروش

یازار:‌ Dəniz

پروفسور محسن هشترودی فرزند اسماعیل در روز 22 دی 1286 خورشیدی در شهر هشترود پابه هستی نهاد . تحصیلات ابتدایی خود را در مدرسه های اقدسیه و سیروس و متوسطه را در دارالفنون به انجام رسانید و از دانش سرای عالی موفق به اخذ درجه لیسانس گردید . سپس برای تكمیل تحصیلات خود به اروپا سفر كرد و درجه لیسانس علوم ریاضی را از دانشگاه سوربن اخذ نمود و دكترای دولتی در علوم را از دانشگاه پاریس دریافت كرد . در سال 1315 به وطن بازگشت ودر

دانش سرای عالی دانشكده علوم مشغول تدریس شد . در سال 1320 استاد دانشگاه تهران شد.

وی در زبان فرانسه مهارتی بسزا داشت و در بسیاری از كنگره های بین المللی شركت می جست و با زبان فصیح به فرانسه سخنرانی می كرد به گونه ای كه فرانسویان نیز از گونه سخن او متعجب می شدند . وی در كنگره بین المللی ریاضی درسال 1950.م در دانشگاه هاروارد آمریكا ، در 1954.م در آمستردام و در 1958م. در ادینبورگ اسكاتلند و كنگره بین المللی ریاضی دانان زبان لاتین در در فرانسه شركت كرد و این خود نشانه این بود كه پروفسور هشترودی یك شخصیت شناخته شده بین المللی می باشد . پروفسور هشترودی سالها در كنفرانس ها و سخنرانی ها و جلسات درس انستیتوی مطالعات عالیه دانشگاه پرینستون و دانشگاه هاروارد ، آكادمی علوم رومانی ، انستیتوی پوانكاره و دانشگاه پنجاب برای جمع كثیری از دانشجویان و استادان خارجی درس می گفت .تحقیقات وی در زمینه هندسه ، هندسه فضایی كلاسیك ، معادلات دیفرانسیل ، نظریه اعداد ، آنالیز ، مكانیك و جبر بود . پروفسور هشترودی طبع لطیفی داشت و مجموعه شعرهای وی تحت عنوان « سایه » چاپ شده است . مغز اندیشمند او در دنیای اندیشه و فلسفه نیز چالاك و توانمند بود دو كتاب وی دانش و هنر و جهان اندیشه شاهد این مدعاست . سرانجام وی در 13 شهریور 1355 دار فانی را وداع گفت

پایلاش :

شنبه 24 اسفند 1392

بؤلوملر : ,

آغ آتیم

+0 به یه ن

7 باخیش

0 گؤروش

یازار:‌ Dəniz

آغ آتیم

آغ آتیم ، قول قاناتیم ،

آت قدمین یورتمه یئری !

آش تپه لردن

سیلدیریم تك سره لردن

سئله سینمیش دره لردن

بو نه طوفاندی گؤزل كهلیگیمی ایستیر آییرسین فره لردن

غیرتیم جوشه گلیر غملی خبردن

آغ آتیم – قورخما خطردن !

آغ آتیم قول ، قاناتیم ،

شیهه چك ، قوی سسیوه

بلكه یاتانلاردا اؤیانسین

یاتماغین واختی دگیل دورسون اوتانسین

یاتانین عؤمرو تالانسین

تازا نعلین وار آتیم

چال بو داغین سینه سینه ، قوی پارالانسین

چال داغین سینه سی باتسین ، یارالانسین

داشی داشدان ، آرالانسین

آغ آتیم قول قاناتیم

داش قایادان آشما چتیندی

قاباق اؤز یوققوشادی ، قاشما چتیندی

داغا دیرماشما چتیندی

داشا ، سووخاشما چتیندی

باخما یوللاری چتیندی ، اورانین هیبتی یوخدور

آغ آتیم همت ائله !

غیرتی یوخدور

هله اؤز یوققوشالار چوخدو قاباقدا

آشماق اولماز بو آیاقدا

آغ آتیم قول قاناتیم

بسدی ایاق ساخلاما ، گون باتدی قارالدی

گون گئچیب داغ دالینا رنگی سارالدی

داغین اوستون دومان آلدی

آغ آتیم ، بس بو نه حالدی؟

بورا یارقاندی آتیم دورما آماندی ....

آغ آتیم ، قول قاناتیم

آت قدم آیدینلیغا ساری

هؤركوشن اوولاریلان ؛ چیخ سره یاللاری یوخاری

قار قالان داغلارا سال بیر نفسین

قوی اریسین بوز كیمی چئگینینده كی قاری

سولاری آرخلارا سال بلكه سووارسین

قوری قالمیش اوبالاری

قوی بؤیوك گولده اؤزوشسونله یاشیل باش سونالاری

آغ آتیم

جهد ائله باری

سنی تاری !

آغ آتیم ، قول قاناتیم

طبعیمین دریاسی جوشقوندو

یئل اسدیر لپه لنسین

قوی چالیم صخره لره دالغامی ، دالغام سپه لنسین

قوی یاغیش تك قورویان

داغلارین اؤستونده اله نسین

هرزه اوتلاری آپارسین

لالا بیتسین

هامی گؤللر تزه لنسین

گؤلو بلبل یییه لنسین

آغ آتیم ، قول قاناتیم

آت قدمین قلعه ی بابكدن آشاق

قارا گؤنلن ساواشاق

آت گؤلوندن سس آتیب ، بابكین حالین سوروشاق

یئنه طوفاندا جوشاق

دریالار تك قوووشاق

آغ آتیم ، قول قاناتیم

شیهه چك قوی سسیوه

هاجرینی تركینه چكسین نبی گلسین

قوی كور اوغلو آتینی داغلارا سالسین

ائشیدیب شیهه نی گلسین

الده كسگین قیلیجیلا

بویاسین قانه كئچل حمزه نی گلسین

قوی كرم سازینی سالسین دؤشونه ، چؤللره دؤشسون

های سسی ائللره دؤشسون

دئگیلن غملی كرم ایستر اگر ، اصلینی گلسین

دشمنین بلكه كسك نسلینی ، گلسین

قوی بو داغلاردا بؤیوك هلهله دؤشسون

داغلارا ولوله دؤشسون !

آغ آتیم ، قول قاناتیم

منه بیر قالغی بابامدان ، بو ورندیلدی ، بونو چئگنیمه ساللام

قاراداغ باشینی آللام

اورا بیر ولوله ساللام

آغ آتیم دورما ، یوبانسان ، دالی قاللام

آغ آتیم ، قول قاناتیم

بیز اگر قلعه ی سیمرغدان آشساق بیزه آزدی

باخما یوللار ناتارازدی

باخما بو قارلی دماوند ، بو قفقاز بو هرازدی

باخما داغدا هاوا دوتقوندو – آیازدی

باخما بو قیشدی بو یازدی

آغ آتیم آت قدمین دریا ، دایازدی

دریانی گئچسن اگر شهرِ نیازدی

اوردا هر قان كی تؤكولدو یئره ، آزادلیقی یازدی

بشر آزادلیغا بازدی !

آغ آتیم ، قول قاناتیم

اوردا دؤلبرچین اوتو دؤرت پَر آچیبدی

اوردا دیللنمگه دیل تازه شیرین دیللر آچیبدی

اوردا باغلاردا بوتون گؤل لر آچیبدی

آغ آتیم

آت قدم آیدینلیغا ساری !

استاد هوشنگ جعفری

پایلاش :

یکشنبه 18 اسفند 1392

بؤلوملر : تورك شاعیرلرین گوزل اشعاری,

فارسی قیریلداتما دیلین وار سنین

+0 به یه ن

7 باخیش

0 گؤروش

یازار:‌ Dəniz

فارسی قیریلداتما دیلین وارسنین

سن اگر بولبولسن گولون وارسنین

قهرمان خلقیمیز گؤزتیكیب سنه

فرهنگی تالانمیش ائلین وارسنین

سن گؤزه‌ل سوناسان هر سویا دوشمه

اوزمگه دوم دورو گؤلون وارسنین

اگر بولود اولسان یاغ قوراخلیقا

سویاحسرت قالمیش چؤلون وارسنین

«یاغ اولوب یاندیرما یادلار چیراغین

قارانلیق آیلارین، ایلین وارسنین»

دئمیرم فارسیجا یازابیلمیرسن

چوخ گؤزه‌ل یازیرسان الین وارسنین

آممانئجه دئییم فارسی‌دان گؤزه‌ل

قیلینج كیمی كسگین دیلین وارسنین

«سعدی»نی «حافظ»ی چوخدا ازدیرمه

«معجز» ون و ورغونون لعلی‌ن وارسنین

آرخالان بابكه رستم نه چی‌دیر؟

دانالار باسماقا كلین وارسنین

نسیمی،خطایی واقف، فضولی

دده قورقود» كیمی اولون وار سنین»

«اؤزه‌یئر» هابیلین سازین كامانین

بولبول چهچهه‌لی تئلین وارسنین

ایزین داش دؤورونه گئدیب یئتیشیب

سومئرلره باغلی تئلین وارسنین

سولور اؤز باغین‌دا گوللر، چیچك‌لر

وئرمه تیكان لارا گولون وارسنین

آی عاشیق چال اوخو آنا دیلین‌ده

سازین‌دا خوش بمین زیلین وارسنین

توركو نغمه ایستیر یانیق كونلوموز

سدی ییخ قوی گه‌له سئلین وارسنین

پاشالار باغیندا بوقوللوق نه‌‌دیر؟

اونودمابیر «چنلی بئلین» وارسنین

شاعیرلر جوشدوران سولو،صفالی

آرازین، موغانین میلین‌وار سنین

وورولما یادلارین گؤزللرینه

ائلین ده چوخ اینجه بئلین وارسنین

سن یوگور میدانا«كور اوغلو» كیمی

مین لرله‌های باسان ده‌لین وارسنین

«دورنا» سان قاققیلداسس وئرسسیمه

قاطاردان آیریلما یولون وارسنین

اَلین وئر الیمه داغلار آشیراق

بیلیرم قدرتلی قولون وارسنین

«شامی» یم یالقیزام یوخدور كومگیم

گه‌ل اكك بو باغی بئلین وارسنین

دایانما شعریمین تئز وئر جوابین

اگر بومیداندا فعلین وارسنین

قایناق:http://turkish.rzb.ir/

پایلاش :

یکشنبه 11 اسفند 1392

آچار سؤزلر : فارسی

بؤلوملر : ,