ائلیمیز دیلیمیز

ال اله وئرک دیلیمیز دیری قالسین

اوچماق ایسته ییرم

0 گؤروش
یازار:‌ Dəniz

اوچماق ایسته ییرم,من,ائله اوچماق

قاناد وئرمه سه ده طبیعت منه

قوجماق ایسته ییرم , دونیانی قوجماق

وئردی بو آرزونو محبت منه

محبت قاناددیر گزیر هر یئری

اولمایان قدرتی او وئریر بیزه

گؤزله  گؤرونمه ین درینلیک لری

محبت گؤستریر گؤزلریمیزه

محبت اؤزؤمو درک ائدیم دییه

منی یئردن آلیب قالدیریر گویه

اوچماق ایسته ییرم یانلیز زیر.ه دن

یئیر ائدیم بو گؤنؤ, ااوتن چاغلاری

او قدر اوجالیم ,یوکسه لیم کی من

گؤرمه ییم یئردکی خیردالیقلاری

اوچماق ایسته ییرم ,های وئرین منه

خیالدان اوتایا من اوجالینجا

یئر منه دار گلیر,گوی وئرین منه

اوچماق ایسته ییرم,عصب لریمی

عصرین اؤز کوکونده چکیب تاریما

اوچماق ایسته یرم ,دردسریمی

درمانا یئتیرن ناغیل لاریما

             بختیار وهابزاده

آردی
یکشنبه 24 خرداد 1394

پنجره دن بویلانیردی ایکی کؤلگه

0 گؤروش
یازار:‌ Dəniz

شهر، مئه لنیردی لامپالارین کؤزرتیسینده .
هر کس اؤز بوجاغینا چکیلمیشدی
و کؤپکلر بیر بیرلرینین سودوکلرینی قوخلاییردی
آیسیز گئجه ده !
پنجره دن ایکی کؤلگه بویلانیردی
 ...
ملیحه عزیزپور

آردی
چهارشنبه 26 فروردین 1394

آنا دیلی

0 گؤروش
یازار:‌ Dəniz

آنا دیلیم_آنا دیلیم

سن شرفیم شوهرتیم سن

دوداغیمیدا حسرتیم سن

دوشمانلارا نیفرتیم سن

کیمدیر سنی دانا دیلیم

آنا دیلیم _آنا دیلیم

***

یازانمادی الیم سنی

دوغرادیلار دیلیم سنی!!

بویانماسین قانا دیلیم

آنا دیلیم آنا دیلیم

***

دولوخسانما گلر سحر

گوز یاشینی سیلر سحر

نور ساچینا الر سحر

چیچک له نر آنا دیلیم

آنا دیلیم _آنا د یلیم

***

دونیا بویو یوکسک اوجا

سولیماندان نوحدان قوجا

 گووه نیرم من دویونجا

بو شوهره ته  شانا ,دیلیم

آنا دیلیم_آنا دیلیم
 
فیض اله بختیاری

 بوگون انا دیلی گونو بوتون دیلداشلاریما دونیانین باشا باشاندا قوتلو السون
                                                                                                           

آردی
شنبه 2 اسفند 1393
بؤلوملر : آنا دیلی,

گوزلریمین وای حالینا

0 گؤروش
یازار:‌ Dəniz

 گینده گلدی گجه گوزلریمین وای  حالینا ،
 یادیما سالدی سنی آیریلیقن وای حالینا ،
 سیلمیشم گوزلریمی صبحه قدر یاسدیغینان ،
 گجنین عمری اوزون یاسدیغمین وای حالینا ،
 گه دوروب گه اوتوروب صبحه قدر یاتمامیشام،
 قیشلارم یورقون اولوب دیزلریمین وای حالینا ،
 گجنین هر ساعتی بیر ایل اولوب گوزلریمه، 
 هر ننه بیلسه دییر گول بالامین وای حالینا ،
 اوقدر صبحه کیمین ناله إدیب آغلامیشام، 
 اوزومه عادت اولوب قونشولارین وای حالینا ،
 چوخ گجه آیه باخیب من سنی یاد ایلمیشم،
 منی یادان چیخادان سئوگولومین وای حالینا...


آردی
پنجشنبه 2 بهمن 1393

یئل سنین دونونو گئییب

0 گؤروش
یازار:‌ Dəniz

یئل سنین دونونو گئییب
رقص ائدیر بالکون دا
سنی منه گوتورمه ین قاتار
قاتار دئییل
کند ایت لرینین یوخوسونو پوزان
گولونج بیر قیریخ آیاق دیر
اورییم  سیخیلی یوموروق کیمی
بو نه یه اعنراض  نشانه سی دی!
سنین دنیزیدین من آی
دوغرانیردیم دالغا لارینا

آیدین آراز

آردی
جمعه 12 دی 1393

قیرمیزی و چیرک اوتوبوسلار!!!

0 گؤروش
یازار:‌ Dəniz

من قزئتده ایش آختاریرام

تونس ده انقلاب اولور

تونس ده پرئزیدئنت ایشینی الدن وئریر

                              من قزئتده ایش آختاریرام                            

  شاهین اوغلو اؤزونو اؤلدورور 

قیرمیزی اوتوبوسلار منی آپاریر

قیرمیزی و چیرک اوتوبوسلار

منی آپاریر ، بیرده نم نئچه میلیون ایشسیزی

تهران دریادیر

من بالیقلاری چوخ سئویرم

سن بالیقلار بورجوندانسان

تهراندا هوندور هوندور بورجلار وار!

قیرمیزی چیرک اوتوبوسلا دولانیریق آزادلیغین باشینا

من قزئتده  ایش آختاریرام

ایش آختارمیر منی قزئت ده

کیمسه تانیمیر منی

هامی تل­سیر

کیمسه یاندیرمیر سیقاریمی

آزادلیق گیج­للـ­نیر

ال­نیر باشیما

تونس­ده داش یاغیر  انقلاب

ایش تاپانمیرام

شاهین اوغلو اؤزونو اؤلدورور 

تهران دریادیر

هامی هامیدان اوزاقدی

قیرمیزی چیرک اوتوبوسلاردا هامی هامییا یاخینلاشیر

بورون بورونا دایانمیشام بیر افغان فهله سیله

ایش آختاریرام

قولاغیمدا سئزن آکسو

"گئری دؤن-گئری دؤن"

دؤنه مم سئزنجیم ، ایش آرییوروم!

بالیقلاری چوخ سئویرم

قیرمیزی روژلو آزاد بالیقلاری

سن بالیقلار بورجوندانسان

من خرچنگ بورجوندان

تهران دریادی

بوغولورام- توسسودن! 

خرچنگ باکیدا خسته ­لیکدیر

چینده بیر دنیز یئم­یی

من خرچنگ بورجوندانام-سن بالیقلار

سئزن آکسو قولاغیمدا:

"!گیت"

گئدییورومده سئزنجیم ، ایش آرییوروم!

اورگ­یم سیخیلیر دؤرد کورک آراسیندا

ببخشید پیاده میشم

جئبیم وورولور بیریسینه

بالیقلار دیکسینیرلر

دوداغیم اوچوقلاییر

"تونسده انقلاب هارایا چاتاجاق؟"-

 بیلمیرم آغا-

من قزئتده ایش آختاریرام

بیریسی منیم جئبیمی وورور

سئزن آکسونو چیخاردیرام قولاقلاریمدان

آلو سعید منه پول یئتیر-

همی ده بیر ایکی زندان شعری

تهران دریادی

بوغولور هامی

فردوسی هوروت هوروت باخیر قیرمیزی چیرک اوتوبوسلارا

قزئت­لری تکجه ایشسیزلر آلیر

تهراندا یاغیش شایعه­ سی دوز چیخیر

ایسلانیر قزئت­ده تونس انقلابی

یویولور شاهین اوغلونون قانی قزئتده

سیقاریمی سؤندورور یاغیش

کیمسه یاندیرماییر سیقاریمی

هامی تل­سیر

هامی هامیدان اوزاقدی

دوستلاریم بوشانیر سئوگیلیلریندن

هامی بوشانیر سئوگیلیلریندن

هاوا دولور

هاوا بوشالیر

دونیادا یالنیزلیق چوخالیر

سئزن قولاغیما پیچیلداییر: "آغلاما گوزل"

-  ...

هامی هامی­یا یاخینلاشیر قیرمیزی- چیرک اوتوبوسلاردا

خرچنگلرله بالیقلار نئجه یاشاییرلار دنیزده؟!

من بالیقلاری چوخ سئویرم

قیرمیزی روژلو  آزاد بالیقلاری

من اوتوبوسلاردا اوچوقلاییرام

قزئتلر منه ایش تاپمیرلار

جئبیم چوخ رومانتیکدی

جئبیم وورولور بیر اوغرویا

سعید منه پول گتیر­جک- بیرده نئچه زندان شعری

سئزنین باتریسی قورتاریب موبایلیمدا !

آیدین آراز


آردی
سه شنبه 9 دی 1393

ایكی توركی ناغیل

0 گؤروش
یازار:‌ Dəniz

سن ایندی دن توته ییوی چال

دئییر گونلرین بیر گونونده بیر كیشی بیر شهره گئتمه ك ایسته دی كی او شهرین توته یی چوخ آد تاپمیشدی . خبری ائشیدن یار یولداشلار ، اونو یولاسالماغا گلیب ، هامیسی دا تاپشیریردیلار كی قاییداندا منه بیر توتك گتیر پولو نئچه اولسا وئرره م . اودا باش اوسته نی دئییب سه سینی چیخارتمیردی .
بیرآز گئچر بیر یولداشی گلیب جیبیندن پول چیخاردیب سفره گئدنه ودئریب دییه ر : آللاه راس گتیرسین . اما قاییداندا منه بیر توتك گتیر .
سفره گئدن كیشی پولو آلیب جیبینه قویا ، قویا دئیه ر : سن ایندی دن توته ییوی چال:)
چاغیریلمامیش قوناق


بو ناغیلا بیر گؤز آلتی باخین.منجه چوخ گؤزلدیر

آلله ازراییله امر ائدیر كی گئدسین بنده لرین بیرینی دونیادان كوچورتسون.ازراییل گئدیر قاپینی دؤیور.بیر بالاجا قیز اوشاغی قاپینی آچیر.هاوا سویوقدو.قار بیر آغ كورسو یورقانی تك یئرین اوزونه چكیلیب.ازراییل اوستونده اوتوران قارلاری قاپی نین آستاناسیندا سیلكه لیر.قیز سوروشور سیز كیمسیز كی بو قاردا بیزه گلمیسیز؟ ازراییل دئییر قوناق سئومیرسیز؟من گوناغام قز بویورون دئییر.ازراییل سارایا بزر بیر بؤیوك ائوه گیریر.سحرین گونو تك هر یئر ایشیق.قیز قوناقغی بوخاری نین یانینا تاروف ائدیر.تا اودون ایسیسینده قیزیشسین.اؤزو گئدیر پیللللر طرفشكله باشین دوندریب ازراییلی دالیسی اودا ایستیلشنده گؤرور.تازا قوناق تجوبدن ائوین هر بیر یئرین گؤزونون آلتیندا كئچیریر.ائودا بیر سس یوخ ائله بیل تكجه قیز بوردا یاشاییر.بیر نرچه مودت سونراقیز بیر بئلی بوكولموش آغ بیرچك خانیمین الیندن یاپیچیرار یاواش-یاواش پیلله لری اندیری.ازراییل ایسته دی قاباغا گئدسین قیزا كؤمك ائلسین.بیردن یادینا دوشدو كی ازراییل هر كسه ال وورسادونیادان كؤچوب-گئتمه لیدیر.اؤز یئرینده قورویوبگلن خانیم اؤزونون صندلیسینده اوتوروب قوناغا خوش گلدین دئییر.قیزدا اونون یانیندا آیاق اوسته دوروب هئچنه دانیشمیر.آغ بیرچك خانیم قوناقدان سوروشور:هاردان گلیبسیز كیمی گؤرمه یه گلیبسیز.قده میز گؤزوموز اوستونده.چؤخداندی بو ائوین قاپیسین دؤین اولمامیشدی. آخی نه دئسین.دئسین گلمیشم جان آلماغا.آللاه منی یوللوروب ندن اؤتور... خانیم باشلامیشدی دردلشیردی.نه كی چوخ زاماندی ائولرینه گلن یوخودو گؤیلو ایسته ییردی دانیشسین.دانیشیغین آراسیندا بیردن نفه سی توتولدو.چتینلیكله نفس نفس چكیرفی.قیز آناسی نین چیرنین اوغا-اوغا قوناغا دئییر:انام چوخداندی كی بئله دیر هردن نفه سی گئدیر.نفه سی هردن توتور چتین نفس چكیر.ایندیجه گئدرم داوالارین گتیررم.پیللللری تله سیك چیخیر.قوناق آغبیرچك آروادا یاخینلاشیب بیر نئچه ثانیه بیله سینه باخدی.بیردن پیلله لرین طرفیندن بیر سس گلدی.ازراییل باش قایتاریب گؤردو قیزین قیچی بیر-بیرینه ایلیشیب ییخیلماقدادی.اؤزون یئتیریر پیلله لرین آیاغینا قیز دوشور قوجاغینا0قیزی یاواشجا یئره قویور. آناسی نین نفه سی یئرینه گلیب قیزین باشی اوستونه گلیر.قیز سسسیز-سمیرسیز یئره اوزانیب.قوناقین یادینا دوشور كی الی هر كیمه دیسیدی...


آردی
پنجشنبه 13 آذر 1393

سن اویانا پاییز گلدی

0 گؤروش
یازار:‌ Dəniz

سن اویانا پاییز گلدی.

قارقالار دولوشدو كوچه میزین یوخوسونا.

و قورویوب تؤكولدو

بوتون سارماشیق بوتالاری...

بیلیرم

سحرلریم آلما قوخومایاجاق داها

و، قوشلارین خاطیره سی

دیغلاداجاق منی...

ملیحه عزیز پور

آردی
یکشنبه 9 آذر 1393

حیات عشقی

0 گؤروش
یازار:‌ Dəniz

یاشیل یارپاقدا

نوخود بویدا ساری لكه وار،

اوچ گوندور باخیرام...

بو اوچ گونده سولوب

قونشو بوداقلارداكی بوتون یارپاقلار.

سیراغا گون لكه نوخود بویدا ایدی،

دونن ده.

بو گون بیر آز بؤیویوب،

لاپ آز،

ایینه اوجو قده ر.

دوشونورم بئله گئتسه

بو یارپاق سولماز،

پاییز اونا

توخونمامیش كئچیب گئدیر.

 

یارپاقسیز آغاجدا

یاشاماق ایسته ییر سونونجو یارپاق.

تك الی ایله برك- برك

یاپیشیب بوداقدان

تك الده گوجه باخ!

فیكرت صادیق

آردی
سه شنبه 29 مهر 1393

بیز نییه سئومه یك بیر- بیریمیزی؟!

0 گؤروش
یازار:‌ Dəniz

یئر گؤیو، داغ داغی، داش داشی سئودی

قاش، گؤزه وورولدو، گؤز، قاشی سئودی

تانری ناخیش ووردو نقاشی سئودی

بیز نییه سئومه یك بیر- بیریمیزی؟!

 

چمن لر تورپاغا خالی چكیر سه

خالیدا یاشیلی، آلی چكیر سه

آری چیچك لردن بالی چكیر سه

بیز نییه سئومه یك بیر- بیریمیزی؟!

 

عؤمور گؤز قیرپیمی، فرصت آزدی سا

اوچوب الیمیزدن گئدن یازدی سا

كؤنول سون نفسده سینان سازدی سا

بیز نییه سئومه یك بیر- بیریمیزی؟!

 

اولدوزلار سایریشیب گؤز وورور آیا

چشمه لر چاغلاییب تؤكولور چایا

سئون لر گلیر سه هر گون دونیایا

بیز نییه سئومه یك بیر- بیریمیزی؟!

 

گول شئهدن گوج آلیر، مامیر قایادان

كؤز اوددان قیزاریر، چیچك حیادان

سوزولوب گلیرسه كؤكدن مایادان

بیز نییه سئومه یك بیر- بیریمیزی؟!

 

عؤمرون هم سئوینجی هم آهی وار سا

پروانه یانغیسی شام آهی وار سا

آدمین جنتده تاماهی وار سا

بیز نییه سئومه یك بیر- بیریمیزی؟!

 

یاغیش چیچك لرین اؤپور اوزونو

داملا پیچیلتییلا دئییر سؤزونو

شلاله قایادان آتیر اؤزونو

توفان داغی سئویر، دالغا دنیزی

 بیز نییه سئومه یك بیر- بیریمیزی؟!

بیز نییه سئومه یك بیر- بیریمیزی؟!

 

 زلیم خان یعقوب

آردی
سه شنبه 8 مهر 1393
بؤلوملر : سئوگی,