بو گونلر یوسیف پئیغمبرین سئریالین تورکی دیلینه چئویریب اوستانی کانالدا گورسدیر! دیه بیله رم بو چئویرمه الیز آغریماسین ایستیر نیه کی بیر آز تورکی دیلینه اوخشاری وار!نئچه گون بونان قاباخ یوسیف پیغمبر زینداندا یوخو لاری تعبیر اله دی (یوردی)اوگونلر قورآندا یوسف سوره سین قارداشیمین اوشاغینا بیر آز فارسی چئویرمه سین اوخودوم و او اوشاخ تئز دییب هن دوزدی فیلیمده ده گورستدی کی یوسیف یوخو یوروردی!!! اوندایدی کی دوکتور جئرینین آنا دیلی گونو یازدیغی یازینی خاطیریمه گتیردیم کی نه دیرلی یازیدی نیه کی تیلویزیونون تاثیری ائوده دانشماغدان چوخدی دیه بیلرم کیتاب اوخوماخدان دا چوخ چوخدی تیلویزیون دوز تورکینی دانشسا خالقیمیز اونان تورکی اورگشه جح یوخ بوجور فارسینان تورکی نی قاتسا خالقدا اوجور قاتیشیخ دانشاجاخ!!!بیزیم قارداش اوغلوموزا تای
بو سئریالدا بعضا تورکی کلمه لر ایشله دیللر کی تورکی دیلین بیزله ره خاطیرلاییر: سوز وئریرم,پارلاخ گونش
آمما یکتا پرستی نن پرستش کلمه نی چئوره بیلمیب لر
دوکتور جئرینین ایجازه سینن اوگون یازدیغی یازینی بوردا یایرام
«آنادیلی گونو بایراملیغی
ایسفندین ایکیسی آنادیلی بایرامی دیر. بایراملاردا، بایراملیق وئرمک بیر دب‌دیر. بیز ده بو گون موناسیبت ایله، دؤولت باشچیلارمیزدان کیچیجیک بیر بایراملیق ایسته‌ییریک!
یوخ!... تورک‌دیلینی رسمییّته تانیمالارینی ایسته‌میریک؛ بیلیریک بو اولاسی دئییل!
یوخ! .. تورک فرهنگیستانی آچمالارینی ایسته‌میریک؛ بیلیریک بو اللریندن گلمز!
یوخ!... تورک دیلینی دانمامالارینی ایسته‌میریک؛ بیلیریک دانماماق اولماز!
یوخ!....
ایسته‌دیگیمیز بایراملیق ساده‌جه بودور :
دیلیمیزی قوروماق اوچون، آذربایجانین اوستانی رادیو- تئلئویزیون کاناللارینی باغلایین!»
ایسته ییمیز بودور یا کانالاری گوتورون یا دا دوز دانشین