گل تانرینی یاری بؤلك

ایستی بیر اَل چؤره یی تك

بیر پارچاسی سنده قالسین

پارچاسیندا، اؤكسوز اوشاقلارا وئره ك.

گل دونیانی ایكی بؤلك

حاقلی دده مالیمیز تك

گؤزللیكلر سنین اولسون

پیسلیكلری، پاخیللارا پای گؤنده رك.

سئوگینی گل بؤلوشدورك

بیر قیرمیزی آلما كیمی

گوله- گوله بیر دیش سن وور

بیر دیش ده من.

یوخ...یوخ...

سنی بؤلنمرم

تانری ایله ده...

دونیا ایله ده...

سئوگی ایله ده...

سنینله ده...

" سن "

بوتؤولوك له منیمكی سن

بیر تك منیم..
.

ملیحه عزیز پور

شنبه 15 شهریور 1393