ائلیمیز دیلیمیز

ال اله وئرک دیلیمیز دیری قالسین

منیم قلبیم ، سنین قلبیم دئییل کی

0 گؤروش
یازار:‌ Dəniz

اونوتمادی گؤزلرینی گؤزلریم ،
منیم گؤزوم ، سنین گؤزون دئییل کی .
او یئرلری ناخیشلاییر ایزلریم ،
منیم ایزیم ، سنین ایزین دئییل کی .
یالانلارا اویرتمه دیم دیلیمی ،
منیم دیلیم ، سنین دیلین دئییل کی ،
هر یئته نه اوزاتمادیم الیمی ،
منیم الیم ، سنین الین دئییل کی .
اوچوب گئتدین ، سازاق دوشدو کؤنلومه ،
منیم قلبیم ، سنین قلبیم دئییل کی ،
سن گولوش چون یارانیب سان ، اینله مه ،
منیم غمیم ، سنین غمین دئییل کی .
سن قارالتدین ، من آغاتدیم ساچیمی ،
منیم ساچیم ، سنین ساچین دئییل کی ،
ائشیدنلر باغیشلاییر سوچومو ،
منیم سوچوم ، سنین سوچون دئییل کی .
یئره دوشدو اودلی سؤزوم کؤزه ردی ،
منیم سؤزوم ، سنین سؤزون دئییل کی ،
قارشیلاشدیق ، دیل سوسدو ، اوز قیزاردی ،
منیم اوزوم ، سنین اوزون دئییل کی .
سن یولونو دییشدیردین بیر سحر ،
منیم یولون ، سنین یولون دئییل کی ،
بو هجرانا دؤزه جه یم بیر تهر ،
دؤزه جه یم ، هجران اؤلوم دئییل کی ... !


شاعیر:نصرت کسمنلی

آردی
پنجشنبه 16 مهر 1394

دونیا

0 گؤروش
یازار:‌ Dəniz

واختیندا اوزالدیب کمک الینی

وئرمه دین منیم له ال اله دونیا

نه ییمه لازیم دی واختی کئچنده

گؤیدن قیزیل یاغدیر لعل اله دونیا

یولسوز یوخوشلاردا یوردون بیزلری

آهین لا قوروتدون گؤی دنیزلری

قوی کسسین چیگنیمی کندیر ایزلری

دردی درد اوستوندن شله له دونیا

آجی یئل اوستومدن اسدیکجه اسدی

قار یاغدی یولومو باغلادی کسدی

گل منی یاندیرما بو قدر بسدی

من کی نه کرمم نه له له دونیا

آشیلماز داغلاری من نئجه آشیم

زلیم خان ، غصه دن چاتیلیب قاشیم

او سنین داشین دی بو منیم باشیم

نه قدر ایسته سن گل اله دونیا

زلیم خان یعقوب

آردی
شنبه 7 شهریور 1394

تورکون دیلی اون دورد گئجه لیک آیدی گوزللر

0 گؤروش
یازار:‌ Dəniz

تورکون دیلی اون دوردگئجه لیک آیدی گوزللر

گو یچک لییینه دونیا دا هئچ دیل چاتا بیلمز!

یاردان دئیه اویماز یادا ایستکلی با خیشلار

خال سئومه ده جئیران گوزه سپگیل چاتا بیلمز

سئومز قارا دیللر له قاریشسین آنا دویغوم!

سوددنده آغاپباغ دوشه چیل چیل چاتا بیلمز

وورغون کرمه اصلی سی کیر شا نلا بزه نمز!

بیر د ه یقه بو شالماز اوره یه ایل چاتا بیلمز

تاریخده ا یته ن تو راتی آ ختارما تا پیلما ز

قورآن بویو نا هرنه سه اینجیل چاتا بیلمز

قارغایلا دوشه ن بولبولومه دونیا قفس دیر

نین دن متحیّر زیله ایچگیل چاتا بیلمز

گویلر ده اوچان قارتالی یئر قوردو به ینمز

داغلا ردا گزه ن اوولارا سوم فیل چاتا بیلمز

هر کیمسه قیراق گزسه اوزوندن او زو گو لمز

داد دان دئیه رک نارگیله  ا زگیل چاتا بیلمز

گون دردی توتان بئی لره آلقیشد ی بو آلتین!

آلقیش آ لان اینسا نلارا نیسگیل چاتا بیلمز

هر بوینو یوغو ن  پهلوانا   تختی دئمزلر

کبباده مقاما تینا دمبیل چاتا بیلمز!

بو شعرین شاعیری بیلمیرم هانسی بویوک دی!!!!

آردی
پنجشنبه 15 مرداد 1394

منه بیر کوچه باغیشلا!

0 گؤروش
یازار:‌ Dəniz

 منه بیر کوچه باغیشلا!

تام دنیزه آچیلسین گؤزو

مارتیلار کئچسین خیالیندان

سحر- آخشام …

و اوزاقدان گلن

گمی‌لرین سسی ایله

دؤیونسون اوره‌یی.

منه بیر کوچه باغیشلا!

یولچولارین،

آیاق سسی ایله اویانسین

ماهنی سسی ایله اویناسین

و بیر سئودا خیالی ایله

اویوسون…

منه بیر کوچه باغیشلا!

گؤزلریندن،

اوره‌یینه

کؤچه بیله‌جه‌ییم

بیر کوچه…

شاعیر:ملیحه عزیزپور

آردی
سه شنبه 13 مرداد 1394

خزل‌لی پاییز!

0 گؤروش
یازار:‌ Dəniz

خزل‌لی پاییز!

دئسم

سنی یاشیل گئییملی یازدان

داها چوخ سئویرم

اینانار می‌سان؟

بیلمیرم

شاعیرلیک چاغی اولدوغوندان می

یئر اوزه‌رین آلتین رنگینه بویادیغیندان می!

یوخسا

یاغمورلی صاباحلاریندان‌دیر

کؤنلومده اوتوردوغون!

بو، ایسته‌ییم

نه‌دن اولور، اولسون

آنجاق

منیم ایچین

فصیل‌لر ایچره

سلطان سن- سن


شاعیر:ملیحه عزیزپور

آردی
یکشنبه 11 مرداد 1394

وارلیغیمین چرچیوه‌سی

0 گؤروش
یازار:‌ Dəniz

وارلیغیمین چرچیوه‌سی دؤرد میسمارلا برکینیب‌دیر

بیری تانری

بیری آنام

بیری اومود

بیری سی‌ده...

***

یوخلوغونون اوچوروموندان آسیلمیشام

سون میسماریم!

قورتار منی

بو، اوچوشدان...


شاعیر:ملیحه عزیزپور

 

آردی
یکشنبه 11 مرداد 1394

دنیادا سندن قالان آخیردا بیر آد اولی...

0 گؤروش
یازار:‌ Dəniz

بیرگون آغیز قالی بوش، بیر گون دولی داد اولی

گون وار کی، هئچ زاد اولماز، گون وار کی هر زاد اولی


بختین دورسا، گوررسن یادلار قوهوم قارداش دی

آمما بختین یاتاندا قوهوم قارداش یاد اولی

 

چالیش آدین گلنده رحمت اوخونسون سنه

دنیادا سندن قالان آخیردا بیر آد اولی

 

گوردون ایشین اگیلدی دورما اکیل، گوزدن ایت

دوستون گوره ر داریخار دوشمن گوره ر شاد اولی


رحمتلیک شهریارین شئعیری

آردی
شنبه 3 مرداد 1394

گوره سن کیم گله جک حاققیمی آلسین گوی دن؟!

0 گؤروش
یازار:‌ Dəniz

باخیشیم بیر گوله بنزیر کی سو ایستیر گوی دن

آغ بولوتلار باخیشیز تورپاقا دوشسون گوی دن

 

من سو تک کونلومو وئرمیشدیم آیا آخ نه بیلیم

اولا بیلمز گوزلیم آی یئره دوشسون گوی دن

 

ایندی بیر داش دیبینه آرخالانان قوش کیمییه م

قورخورام باش گؤزومه داش یاغا یئردن گوی دن

 

من اوشاقلیقداکی اولدوز لاریمی آختاریرام

تاری آخ آخدی هارا ائی بئله اولدوز گوی دن

 

بیر قارانلیق گئجه دیر سانکی گونش داردا قالیب

هانچی بارماق ال آتیر بیر دوگون آچسین گوی دن

 

قیتلیغ ایللردی یاغیش یاغمیری گویدن نه بیلیم

گوره سن کیم گله جک حاققیمی آلسین گوی دن؟!

آردی
شنبه 20 تیر 1394

تلسمه

0 گؤروش
یازار:‌ Dəniz

صبر ایله کونول محنت هجرانه تلسمه

درد اهلی یئتر صبر ایئله درمانه تلسمه

یـــوسف ده زلیخانی محبت له سویردی

سالدیردی زلیخـا اونی زندانـه تلسمـه

دنیایـه وفا ایئلمه چوخ آغلاما کونلوم

دنیا نه وفا قیئلدی سلیمانــه تلسمــــه

کام آلمیــه جاق آیریلیقا باعث اولانلار

عاشیق چاتاجاق سئوگیلی جانانه تلسمه


شاعیر:نسیمی



آردی
شنبه 6 تیر 1394

اوچماق ایسته ییرم

0 گؤروش
یازار:‌ Dəniz

اوچماق ایسته ییرم,من,ائله اوچماق

قاناد وئرمه سه ده طبیعت منه

قوجماق ایسته ییرم , دونیانی قوجماق

وئردی بو آرزونو محبت منه

محبت قاناددیر گزیر هر یئری

اولمایان قدرتی او وئریر بیزه

گؤزله  گؤرونمه ین درینلیک لری

محبت گؤستریر گؤزلریمیزه

محبت اؤزؤمو درک ائدیم دییه

منی یئردن آلیب قالدیریر گویه

اوچماق ایسته ییرم یانلیز زیر.ه دن

یئیر ائدیم بو گؤنؤ, ااوتن چاغلاری

او قدر اوجالیم ,یوکسه لیم کی من

گؤرمه ییم یئردکی خیردالیقلاری

اوچماق ایسته ییرم ,های وئرین منه

خیالدان اوتایا من اوجالینجا

یئر منه دار گلیر,گوی وئرین منه

اوچماق ایسته ییرم,عصب لریمی

عصرین اؤز کوکونده چکیب تاریما

اوچماق ایسته یرم ,دردسریمی

درمانا یئتیرن ناغیل لاریما

             بختیار وهابزاده

آردی
یکشنبه 24 خرداد 1394